للرايئين فقط ...

اللي رايق يقرا البوست هادا واللي مو رايق رح يصير رايق عالأكيد

اول مرة افكر اكتب عن يومي بس لانو كنت حاسة حالي بحلم من الأكشنات اللي فيه
و يا رب الرافعي و الشلة ما يشوفو البوست هادا أبدا أبدا $$$

الصبح لما كنت واقفة اركب عن الخط
فجأة طلعت من العمارة اللي قبالي ست حاملة بنتها اللي يدوبها 3 سنوات
بتجري و وقفت بنص الشارع -عالسايد اللي قبالي-
و بتصرخ بأعلى صوت إسعاآآآف إسعاآآآآف!
نزل راكب عشوائي "شهم" من سيارة عشوائية
كانت ماشية عالشارع و طلع يجري يشوف الست ،
و انا متسمرة نفسي أعمل أي شي مش عارفة ،
سيارة ورا سيارة بنفس الدقيقة تمر تزمرلي
و انا مبلمة !!!
سامعة بس مش شايفة غير صورة الطفلة مرتخية بين ايدين امها ،
أول مركبة شافتها كانت باص لنقل البضاعة ،
وقفت فورا و اخدتها و طلعو  ... و ربي يلطف فيها ،
بعدها نسيت وين بدي اروح لحد ما شفت والدي بمر من الشارع
و بأشرلي من بعيد شفق عليا فكرني مش لاقية تاكسي ، و وصلني ...

أما العصر لما كنت طالعة من مكتبة بالرمال لقيت 100ش على الرصيف
أخدتها و اعطيتها لعمو في المكتبة يشوفها لمين و طلعت ،
مشيت كمان خطوتين لقيت كمان 100 ش ،
انبهرت انو شو هالاختبار هاد مأسهله  !!!
اطلعت لقدام و انا بضحك انو قلت ليكون ماشي واحد حامل صرة ممزوعة
و بمشي و الفلوس بتهرررر ،
و فعلا بعدها بمتر لقيت كمان 100 ش  !
لو ما كانت هاي المخلوقة معي الرسامة دعاء لكان انا لحد اللحظة ما صدقت
حتى كانت تغويني و تقلي خديهم انتي ، اصلا صاحب المكتبة رح ياخدهم الو 

أما مسائي الرومانسي فكان مع بسوووم
انو لما روحت البيت اخوي الصغير بعمره لكن كبير بتصرفاته "بسام " 
اجاني و جايبلي شيبس حجم عائلي و أشياء أخرى ،
أصلا انا يخوي أختك الصغيرة و انت أخوي الكبير ،
إنه الحبّ  "معلش لو سيبويه شاف هاي الجملة  "

صار اشياءات تانية كتيرة و محادثات ساخنة بيناتهم بس خايفة تزهقو 

مش ناسية أبدا الأحداث في الأقصى و متابعاها لحظة بلحظة ،
و بكيت اليوم كتير مشان القدس و مشان ولاد بلدي
و انا بحس على دمي لما نزلت هادا البوست ،
لا تنسوا تنصروا الأقصى بكل طريقة ممكنة
و أقلهاااا الدعاء